Komputila lingvistiko dum ILEI-simpozio

23/07/201127/11/2017 petro666

En Kopenhago, la 23-an de julio matene, kadre de dutaga simpozio aranĝita okaze de la 44-a konferenco de ILEI, Marek Blahuš, estrarano de E@I, enkondukis la publikon en la fakon komputila lingvistiko kaj prezentis 30 interretajn projektojn kiuj traktas la naturajn lingvojn (ofte inkluzive de Esperanto) sur diversaj niveloj: ekde retejoj por sintezi aŭ registri elparolon, tra vortaroj kaj programoj scipovantaj konjugacii verbojn, ĝis maŝina tradukiloj kaj ekspertaj sistemoj ligitaj al datumbazoj de scioj. Lia prelego estis unu el 12 prezentitaj dum la simpozio kiun ĉeestis preskaŭ cento da homoj, plejparte elstaraj esperantistoj kaj esperantistaj sciencistoj, sed ankaŭ kelkaj neesperantistoj el la gastiganta Universitato de Kopenhago, pro kio Esperanto uziĝis kune kun la angla lingvo, plej ofte per interpretado aŭ samtempa prezentado de du tekstoversioj. Sub la gvido de Duncan Charters, prezidanto de ILEI, la ĉeestantoj nun ankoraŭ klopodos formi komunajn simpoziajn konkludojn. La tuta simpozio estis registrita per kamerao kaj la prezentitaj tekstoj kolektitaj por posta publikigo, sed vi jam nun ĉi tie povas gustumi specimenon – la prezentaĵon de Marek Blahuš kiu enhavas multajn utilajn ligilojn al projektoj pri komputila lingvoprilaboro kaj lingvolernado eblas elŝuti ĉi tie: ilei-simpozio-2011-poiome1

Novaĵoj de la 96-a Universala Kongreso

22/07/2011 petro666

Saluton al ĉiuj el Danio!

La Universala Kongreso en Kopenhago komenciĝos morgaŭ (sabate), kaj ĝin partoprenontaj E@I-estraranoj decidis, ke indus informi pri la aranĝo pere de nia blogo.

Ekde hodiaŭ ni do provos informi (laŭeble ĉiutage) pri aktualaĵoj de la kongreso, pri novaĵoj, interesaj programeroj ktp. Certe ni informos ĉefe pri tiuj, kiujn ni mem partoprenos kaj kiuj rilatas al la agado de E@I – la informoj do ne celas esti iu objektiva superrigardo pri la kongreso kiel tuto. Nia celo estas informi pri nia agado dum la UK, kaj pri la temoj, ĉefe rilataj al “Esperanto kaj Interreto”.

Jam hodiaŭ okazas unua tago de la Simpozio, organizata de ILEI pri lingvaj temoj: “Lingvoj de scienca komunikado kaj edukado”. Ĝi daŭros ĝis morgaŭ tagmeze, do ni provos jam morgaŭ liveri iujn rezultojn de la simpozio kaj freŝajn informojn pri ĝi.

Amuzaj ludoj kun Vikipedio

08/06/2011 admin

Trarigardado de Vikipedio ne nepre devas esti enuo. Lastatempe aperas en interreto diversaj ludoj kun ĝi.

Unu el la ludoj utiligas interesan econ de la libera enciklopedio (interesan, sed laŭdire ne tiom mirigan). Kiam vi en ajna anglalingva artikolo klakas sur la unuan ligilon en ĝia teksto (la ligilo ne troviĝu en krampoj kaj ne estu skribita kursive) kaj vi daŭrigos tiamaniere ĉe ĉiu sekvanta artikolo, preskaŭ ĉiam vi venos al la artikolo Philosophy. Tio funkcias precipe en angla versio (kiu estas aparte riĉa je serĉvortoj). Verŝajne ekzistas nur malmultaj serĉvortoj, kiuj ne kondukos nin iom post iom al filozofio.

Kredu-nekredu, eĉ artikoloj kiel Microsoft aŭ Linux kondukas al filozofio…

Linux → Unix-like → Operating system → Computer software → Computer program → Instruction set → Computer architecture → Computer science → Information → Sequence → → Mathematics → Quantity → Property (philosophy) → Modern philosophy → Philosophy

(Legi pli…)

21-a jarcento – ĉu la Esperanto-movado pretas?

24/05/2011 petro666

Jen, mi publikigas mian kontribuon por la festolibro por Humphrey Tonkin “La arto labori kune”. Eble ĝi estos por kelkaj homoj interesa legaĵo…
Peter Baláž – E@I-kunordiganto

21-a jarcento – ĉu la Esperanto-movado pretas?

Estu la ŝanĝo, kiun vi volas vidi en la mondo. (M. Gandhi)

Ŝanĝoj – defio, ne minaco

La mondo, almenaŭ ĝia granda parto – kun apero de komputiloj, kaj des pli kun apero de interreto – ŝanĝiĝis. Ĝi startis vojon, kies finon neniu el ni kapablas imagi – se tia vojo entute finon havas. La evoluo, progreso kaj ŝanĝoj, venintaj kun la disvastiĝo de modernaj informaj kaj komunikaj teknologioj (plue en teksto IKT) – ĉio tio ŝanĝis porĉiame la vizaĝon, funkciadon kaj labormanieron de la socio. La mondo, enirante la 21-an jarcenton, ekis novan etapon de sia evoluo.

Vid-al-vide al tiu ĉi enorma evoluo teknika, gravaj demandoj por ni estas: „Ĉu ankaŭ Esperanto-movado pretas por la 21a jarcento? Ĉu la Esperanto-mondo estas preta adaptiĝi al tute alia funkciado, al pli rapidaj agoj kaj modernaj decidoj, al pli efika plenumado de siaj taskoj kaj realigado de celoj? Ĉu esperantistoj kapablas (r)esti aktualaj kaj ĝisdataj?“ (Legi pli…)

UNUA KINO-FESTIVALO EN ESPERANTO

23/05/201127/11/2017 petro666

Krea unuiĝo „Filmoj sen limoj“ ĝojas prezenti al vi freŝan unikan kulturan eventon. Temas pri la unuaEsperanta kinofestivalo, kiu okazos de la 10-a ĝis la 13-a de julio 2011 en San-Paŭlo, Brazilo dum TAKE.

La oficiala retejo de kinofestivalo estas kinofestivalo.org. La Kinofestivalo konsistos el du programoj: konkursa kaj nekonkursa.

Ĉiu ajn povas partopreni la konkursan programon kaj gajni premion: unu el 5 iPod Touch 4gen. La informa filmeto pri konkurso: vimeo.com/21927597 La nekonkursan programon partoprenos filmoj, kiuj estas ligitaj kun Esperanto kaj ankaŭ premiitaj filmoj kun voĉtraduko kaj subtekstoj el la internacia lingvo.

Partoprenu la konkurson, rakontu pri ĝi al viaj amikoj, kunlernantoj, esperantistoj kaj ĝuu la filmojn.

(Legi pli…)

Nova projekto de E@I batalos informan superŝarĝon

01/04/201127/11/2017 admin

“Se vi pri ĉio informiĝos, vi baldaŭ maljuniĝos” — jam al Ludoviko Zamenhof estis konata tiu ĉi saĝaĵo, kiun li ankaŭ enmetis kiel proverbon n-ro 993.01 en sian Proverbaron Esperantan, aperintan en 1910. Cent jarojn poste, en la interreta epoko, tiu problemo ne malaperis; kontraŭe – en la hodiaŭa tempo de tutmonda komunikado ebligata de la novaj teknologioj kaj vojaĝrimedoj, la tiel-nomata “informa superŝarĝo” fariĝis eĉ temo de sciencaj esploroj. En 2008, la firmao Basex publikigis esploron, laŭ kiu dungitoj pasigas duonon de sia labortempo per ordigado de informoj kaj informa superŝarĝo kostas la usonan ekonomion 900 miliardojn da dolaroj jare.

(Legi pli…)

Fingro anstataŭ muso

25/03/201127/11/2017 admin

Fingron eblas uzi ne nur sur tuŝekrano, sed ankaŭ sur breto de labortablo. Tion ebligas la novaĵo evoMouse, kiu skanas ĝian lokon.

La aparato utiligas por tio du infraruĝajn sentilojn kaj ĝi ne eraras eĉ kiam du fingroj tuŝas la labortablon. Ĝi rekonas klakon, duoblan klakon, ŝovon kaj demeton de objekto, ankaŭ plurtuŝ-movoj funkcias (ekz. turno kaj zomado).

(Legi pli…)

Patentoj helpos al Google plibonigi siajn tradukilojn

22/01/2011 admin

La Eŭropa Patentoficejo (EPO) kaj Google la 30-an de novembro 2010 interkonsentis kunlabori por plibonigi la aliron al malfermitaj tradukoj en diversaj lingvoj. Laŭ la interkonsento, la EPO uzos la maŝintradukadoteknologion de Google por traduki patentojn en la lingvojn de la 38 landoj kiun ĝi servas. Reciproke ĝi donos al Google aliron al ĝiaj tradukitaj patentoj, ebligante Google-n optimumigi ĝian maŝintradukadoteknologion.

Google-teknologio estos uzata por traduki eŭropajn patentojn samkiel patentoj originantaj de aliaj regionoj de la monda kaj ĝuante protekton en Eŭropo.

La kunlaboro celas oferti pli rapide kaj pli malmultekostajn bazojn por tradukoj de patentoj por firmaoj, inventintoj kaj sciencistoj en Eŭropo. Hodiaŭ, iu ajn kiu volas registri patenton devas fari tion en unu el la oficialaj lingvoj de la EPO – la angla, la francan kaj la germanan. Ili tiam devas aranĝi tradukon de la patento – je propra kosto – en la lingvoj de ĉiuj landoj en kiuj ili deziras la patenton uzi.
Tiu komplekseco signifas ke multaj eŭropaj patentoj ne estas haveblaj en ĉiuj naciaj lingvoj aŭ laŭleĝe validaj en ĉiuj la membroŝtatoj de la EPO.
Simile, iu ajn serĉanta informojn en patentoj publikigitaj en fremdlingvoj trovas malfacila preni datumojn signifa al ilia esplorprojektoj.
La partnereco kun Google krei maŝintradukadilojn por patentoj helpos inventintojn, inĝenierojn kaj RD-teamojn ricevi signifajn dokumentojn efike – en ilia propra lingvo – de la riĉeco de publikigitaj patentaj informoj.

La kunlaboro ankaŭ planas faciligi la decidoprocezon de la EU-ŝtatoj en ilia provo simpligi la enkondukon de ununura tuteŭropa patento. Dum la EPO disponigas oftan enirejpunkton por akiri patentojn ĝenerale en Eŭropo, patentaj posedantoj daŭre devas konfirmi kaj, kie necesajn, tradukas patentojn en ĉiu individua EU-lando. Kiel rezulto, akiri Europe-kovrantan patentprotekton estas signife pli multekosta ol en merkatojn kiel ekzemple Usono. Ununura EU-patento povus redukti kostojn kaj plifortigi laŭleĝan certecon.

Por Google, la kunlaboro ofertas gravan eblecon plibonigi ĝian tradukoservon.
La EPO ofertos aliron al proksimume 1.5 milionoj da dokumentoj, kaj ĉiun jaron tiu nombro kreskas de pli ol 50 000 novaj malfermitaj stipendioj.

La partnereco ankaŭ kovras aziajn lingvojn. Faciligi aliron al la rapide kreskantaj volumoj de la japana, la ĉina kaj koreoteknologiaj informoj estas unu el la plej grandaj defioj alfrontante la tutmondan patentosistemon.

Fariĝu staĝanto de E@I!

22/12/201027/11/2017 admin

Ĉu vi studas ĉe universitato en EU, EEA, Svisio aŭ Turkio pri informadiko, kognaj sciencoj, lingvistiko, pedagogio, ĵurnalismo, ekonomio, arto aŭ alia fako?

gajnu monon,
ricevu studpoentojn,
akiru sperton,
vivu eskterlande,
lernu novan lingvon,
kaj helpu al Esperanto!

E@I estas internacia neregistara organizo kiu instigas internacian kunlaboron kaj komunikadon tra la mondo kaj organizas klerigajn projektojn kaj aranĝojn por subteni interkulturan lernadon kaj uzadon de lingvoj kaj interretaj teknologioj. Ĝi estas bazita en Slovakio, sed la laboro okazas en la interreto kaj Esperanto estas la laborlingvo.

E@I-staĝanto Marek Blahuš — Marek Blahuš estas la unua staĝanto de E@I, laboranta en Nancio (Francio)

Nuntempe ni serĉas studentojn-esperantistojn, kiuj ŝatus kadre de sia studo pasigi 3 ĝis 12 monatojn laborante por E@I en eksterlando. La staĝanto ne ricevos salajron de E@I, sed lia staĝo estos subvenciata de la programo “ERASMUS Studenta Movlibereco por Staĝoj”. Por tio la studento devos sukcese peti, helpata de E@I, tiun stipendion de sia universitato, kiu devas esti aliĝinta al tiu programo.* La preciza procedo kaj limdatoj malsamas inter la universitatoj, sed la staĝo rajtas okazi inter junio 2011 kaj septembro 2012. Plenigi la formularojn postulas nur kelkhoran laboron, ŝanco gajni la stipendion estas sufiĉe granda. La stipendio estas inter 300 kaj 1000 € monate kaj dependas de la sendanta kaj ricevanta lando, sed estas pli alta ol simila konata stipendio por ERASMUS-studrestado. La E@I-staĝantoj laboru en Bratislavo aŭ, laŭ interkonsento, en alia loko de sia elekto. En Bratislavo E@I helpos serĉi loĝadon; en landoj kun oficiala lingvo alia ol la angla, la germana, la franca kaj la hispana eblas partopreni ankaŭ la “ERASMUS Intensivan Lingvo-Kurson” (EILC).

* Estas nun 5683 tiaj universitatoj; kontrolu vian ĉe http://tinyurl.com/euc2011 – en la lasta kolumno devas esti skribite “EXTENDED”.

Niaj staĝantoj ankaŭ helpas prezenti la agadon de E@I dum renkontiĝoj, seminarioj kaj konferencoj. Do se esti pagata por partopreni Esperanto-renkontiĝojn estis via revo, vi ĵus trovis la manieron kiel realigi tion! 😉

Por pli da informoj alparolu iun el la E@I-respondeculoj (Peter Baláž, Marek Blahuš), venu al iu el la E@I-programeroj dum JES 2010 aŭ retpoŝtu al marek ĉe ikso punkto net.

Kaze ke vi volus helpi trovi staĝantojn, bv. utiligi aldonitan PDF-version de la artikolo.

Ĉu mankas spaco sur labortablo? Jen solvo

20/12/201027/11/2017 admin

Mia tablo estas kiel GIMP – ankaŭ ĝi subtenas tavolojn.

Eĉ la plej granda labortablo ne sufiĉas. Daŭre mankas spaco por ĉiam novaj kaj novaj “necesaj” aĵoj, kiuj iom post iom amasiĝas sur labortablo kaj en ĝia ĉirkaŭaĵo. Post iom da tempo estas sukceso, kiam vi memoras koloron de via tablo, aŭ kiam hazarde aperas eta peceto da ĝia surfaco… Venas tempo por granda ordigado. Sed la tablo estas kvazaŭ prisorĉita – jam kelkajn minutojn post la ordigo la tablo denove komencas pleniĝi kaj post kelkaj tagoj eĉ ne rimarkeblas, ke ia ordigado okazis.

Tio estas situacio konata al multaj el ni. “Malordo sur labortablo” havas eĉ sian paĝon sur Facebook (la ĉeĥa paĝo “Bordel na stole”) – kun pli ol 150 000 ŝatantoj (kaj tio estas nur slovake kaj ĉeĥe parolantaj uzantoj!) kaj kun multaj fotoj, kiujn faras la ŝatantoj konkursante inter si pri la plej granda malordo.

(Legi pli…)