Pri ni

Edukado@Interreto (E@I) registriĝis kiel politike neŭtrala neregistara junulara organizo en 2005. Ĝi estis fondita surbaze de la spertoj de internacia laborgrupo, kiu okupiĝis pri interretaj projektoj; ĝi estis aktiva sub tiu nomo ekde 1999 kiel organizo sen jura ekzisto.

La vizio de E@I estas mondo en paco kaj harmonio, en kiu ĉiuj civitanoj povas rapide kaj facile komuniki kun la tuta mondo.

E@I iniciatas kaj subtenas projektojn kun internacia kunlaboro de junuloj, organizas edukajn kaj kulturajn eventojn, kiuj kongruas kun la celoj de la organizo, kaj informas pri la graveco kaj utileco de senbara internacia komunikado.

Bazaj informoj

  • Oficiala nomo: E@I (Edukácia@Internet)
  • Formo: civitana asocio (občianske združenie)
  • Jaro de fondo: 2005
  • Sidejo: Partizánske (Slovakio)