Edukaj retprojektoj
deutsch.intro – Aplikaĵo por lerni la germanan por ĉiuj sen antaŭaj scioj —
deutsch.info pligrandiĝas per nova enkonduka kurso de la germana lingvo por tutkomencantoj: "deutsch.info". Ĝi estos noviga, interaga kaj uzantamika por ebligi partoprenon de lernantoj kun diversaj komputilaj kapabloj, interesoj kaj bezonoj.Ni volas helpi la komencantojn de la germana atingi pli rapide nivelon de kompetenteco. Tio povas ebligi al ili pli efikan komunikadon per trejnado de ilia kapablo memstare formi diversajn frazojn, eĉ kun tre malgranda vortprovizo.Kiel ĉiuj ĝisnunaj materialoj en deutsch.info, ankaŭ la nova kurso estos disponebla senpage.Ĝi estas por ĉiu, kiu volas lerni la germanan kaj por kiu la kurso A1 de deutsch.info ankoraŭ estas tro malfacila. La enhavo estos disponebla en 22 lingvoj. Pliaj informoj:
https://deutsch.info/intro
>TestU Online – senpaga retejo de testoj por edukado
TestU Online – senpaga retejo de testoj por edukado — TestU Online estos senpaga, plurlingva retejo, kiu helpas krei diversajn kvizojn, testojn kaj ekzercojn tre facile kaj rapide. La uzantoj de la retejo estos ĉefe instruistoj, prelegantoj kaj iliaj lernantoj, kiuj studas en bazlernejoj. La kialo por krei ĉi tiun retejon estas la neceso por ebligi junulojn aliri senpagan edukadon sendepende de iliaj sociekonomikaj, religiaj aŭ naciaj fonoj, geografiaj limoj, aŭ eĉ diversaj specoj de handikapoj.
>Durch der-die-das mit viel Spaß – App for learning German articles and declinations
Durch der-die-das mit viel Spaß – App for learning German articles and declinations —
Lerni artikolojn estas malfacila tasko - tion scias ĉiuj, kiuj iam studis la germanan! Kun ĉi tiu aplikaĵo ni volas plifaciligi kaj subteni en luda maniero la lernadon de artikoloj. La projekto komenciĝis en oktobro 2019; la aplikaĵo estos preta en septembro 2021.
Kuarki - Traveller between wor(l)ds estas senpaga aplikaĵo por plurlingvaj infanoj pli ol 10-jaraĝaj. Per ĝi la infanoj povas plivastigi sian vortoprovizon kaj ekzerci legadon kaj skribadon. La celo de la aplikaĵo estas kontribui al fermado de la ofte ekzistanta interspaco inter la lerneja kaj la hejma lingvoj, kaj provizi al la legantoj novajn kaj interesajn sciojn en interesa kaj amuza maniero. Infanoj, kiuj volas lerni fremdan lingvon kaj plibonigi siajn legkapablojn, ankaŭ povas esti helpataj de la aplikaĵo.
Vortoj – lernu vortojn ludante kaj moviĝante! — Nova komputila ludo de E@I pri akurateco, lingvoj kaj amuziĝo. Kun la ludo "Vortoj" vi ekzercos fremdajn lingvojn kaj akiros konfidon pri ilia skribo. Samtempe vi bone amuziĝos kun viaj kolegoj kaj amikoj. Lingvoinstruistoj aprezos la eblon redakti la liston de vortoj, per kiu ili adaptos la ludon al siaj lernantoj. La ludo kombinas sanan konkuremon kaj amuziĝon, kaj vi samtempe povos moviĝi kaj testi vian memoron!
Komputilo por ĉiu — Kurso de laboro kun komputilo kaj interreto por ĉiuj kiuj havas neniujn spertojn en tiu ĉi kampo. Okazos entute 10 kursoj en la regionoj de Trenčín kaj Nitra, dum kiuj interesiĝantoj lernos uzi komputilon, prilabori tekstojn, krei tabelojn kaj prezentaĵojn kaj ankaŭ efike uzi interreton. La ĉefa celgrupo estas dungitoj kaj memstare laborantaj personoj, kiuj danke al nove akiritaj scioj akiru pli bone pagatan laborpostenon. Ĉiuj instrumaterialoj restos ankaŭ post finiĝo de la projekto plu alireblaj kiel reta kurso por memlernantoj.
Multilingual Accelerator — La celo estas krei “multlingvan akcelilon”, kiu ebligos al infanoj pli rapide fariĝi plurlingvaj kaj fidi siajn lingvajn kapablojn. La baza ideo estas, ke lerni Esperanton limigante sin je nur 200 morfemoj povas antaŭenpuŝi la lingvolernan kapablon de la infanoj kaj donas pliajn avantaĝojn.
Polish Online — La interaga retlerna platformo polski.info helpos al veni lerni bazojn de la pola, la dua plej parolata slava lingvo post la rusa - rete, efike kaj senpage. La platformo celas ĉefe eksterlandanojn, kiuj volas ekparoli pole kaj malkovri Pollandon, landon infuzita per riĉa eŭropa historio kaj kulturo.
Reflections — La celo de la projekto estas oferti al instruistoj edukajn strategiojn por kospomolita engaĝiĝo, diverseca edukado, filozofio kaj praktika uzado de tiuj principoj en klasĉambroj. La materialoj subtenos la akiron de kompetentoj bezonataj por aktiva partopreno en demokratio, kritika pensado kaj vivado en diversaj socioj, kaj temoj rilataj kun homaj rajtoj, klimata ŝanĝo, tutmondiĝo, justa komerco kaj konsumado. Okazas daŭrigo, dua rondo de la projekto, subtenita ene de la programo Erasmus+.
Traveler between wor(l)ds
La celgrupo de jena projekto (2016-2019) estas plurlingvaj infanoj. Tipa ekzemplo estas familioj translokiĝintaj en alian landon, kie la infanoj kreskas en alilingva medio. Kvankam ili kutime rapide adaptiĝas ellernante novan lingvon, ofte estas ĉe ili malzorgata la gepatra lingvo. Ĝuste tiun subtenu nova poŝtelefona aplikaĵo enhavanta dulingvajn allogajn tekstojn pri temoj, kun kiuj la infanoj renkontiĝas dum instruado. Infano tiel progresigas siajn vortprovizon kaj terminologion paralele en ambaŭ lingvoj. Prepariĝas ankaŭ retejo kun utilaj informoj por gepatroj kaj instruistoj de plurlingvaj infanoj.
Deutsch.info – didaktikaj helpiloj por lernejoj — La origina celo de la retejo deutsch.info estis oferti senpagan retan kurson de la germana, uzeblan ne nur por ĉeestaj kursoj, sed ankaŭ por memlernantoj. Danke al tio eblas hodiaŭ ellerni la germanan sen helpo de instruisto. Tiu ĉi projekto (2016-2018) alparolas instruistojn de la germana, kiuj serĉas por siaj lernantoj taŭgajn instrumaterialojn. Prepariĝas por ili informoj pri utiligo de CALL-metodo en lernejoj, en ĉiu leciono disponeblos elŝuteblaj ekzercoj kaj ludoj adaptitaj por lerneja medio.
Russian Online — Laŭ la modelo de retejoj por memlernantoj (Slovake.eu, Deutsch.info, Mluvtecesky.net kaj aliaj) estas preparata retejo por lerni la rusan. Ĝi enhavos kursojn por niveloj A1 kaj A2, votartojn, gramatikon kaj materialon por legi kaj aŭskulti. Por entreprenistoj estas preparata sekcio kun informoj utilaj por entrepreni en Rusio. La projekto estas subtenata de la EU-programo “Erasmus+”.
IpuS – Let’s talk about Porno — Tiu projekto kun provoka nomo havas kiel celon atentigi pri la riskoj de interreta pornografio kaj seks-tekstado ĉe infanoj kaj adoleskantoj. Seks-tekstado estas reciproka sendado de propraj aŭ aliulaj intimaj fotoj. Tio, kion multaj junuloj konsideras sendanĝera, povas ne nur minaci ilian sanan kreskadon, sed ankaŭ ofte konudukas al kiberĉikanado (disvastigo de intimaj fotoj aŭ videoj per la Interreto, persekutado, premo, ĉantaĝo). La projekto celas ĉefe la gepatrojn, kiuj volas, ke iliaj infanoj uzu la reton sekure kaj respondece.
>Schau hin
Schau hin — Daŭrigo de la projekto Cybermobbing kaj plivastigo de la retejo cyberhelp.eu pri novaj temoj kiel seks-tekstado kaj manko de protekto de personaj datumoj. Tiuj problemoj plej multe minacas infanojn kaj junulojn. Al la retejo estos aldonitaj instruaj moduloj por socialaj pedagogoj kaj ĉiuj, kiuj laboras kun junuloj.
Slovake.eu — Multlingva retejo por instrui la slovakan lingvon al eksterlandanoj. La projekto estis subtenita de la EU-agentejo EACEA kaj ekfunkciis en marto 2011. La retejo estis konstruita surbaze de spertoj de
lernu.net kaj aliaj retaj projektoj. En novembro 2013 startas dua etapo, dum kiu aldoniĝos B-nivelo de la kurso kaj kelkaj novaj funkcioj.
Cybermobbing — "Cybermobbing" (kibernetika/interreta ĉikanado) estas projekto nelingva. Dum du jaroj ekestos multlingva retejo kun instrukcioj, informoj kaj atentigoj pri la danĝeroj de la cifereca mondo, dediĉita ĉefe al infanoj kaj adoleskuloj. La projekto tute bone eniras la agadkampon de E@I, kiu specialiĝas ĝuste pri "Edukado ĉe Interreto" – do eduki junularon pri la danĝeroj de interreto (kaj pri homoj kiuj misuzas ĝin) estas tre taŭga kaj tre aktuala iniciato en la nuna mondo.
CZKey — Kadre de tiu ĉi projekto ekestas retejo por lernado de lingvo najbara al la slovaka – la ĉeĥa. Je dispono estos ĝeneralaj kursoj A1, A2, kurso por estontaj kuracistoj je la nivelo B1 kaj unu kurso speciale por slovakoj. La kunordiganto - lingva centro de la Universitato Masaryk en Brno (Ĉeĥio), inspiriĝis ĉe la E@I-projektoj por la
germana kaj
slovaka. Krome la centro helpis traduki la retejon
slovake.eu al la ĉeĥa, kaj post tio ekestis ideo krei similan projekton por la propra lingvo. La ĉeĥan eblos lerni per multaj lingvoj.
Lingvo.info — Multlingva retejo instruos pri lingvoj, diskonigados jam ekzistantajn retajn kursojn, kaj montros ke lingvoj povas esti samtempe amuzaj kaj utilaj.
Global E-learning — Multlingva reta kurso celas disponigi informojn pri problemoj rilataj al la tutmondiĝanta kaj interdependa mondo.
>Speak and Learn
Speak and Learn — Multlingva interaga aŭdvida aplikaĵo por lerni lingvojn. Ĝi ebligos al studentoj lerni bazojn de bezonata lingvo je la nivelo A1 kaj se eblas, alirebligos ankaŭ la nivelon A2.
lernu! — Multlingva kursejo, kiu celas Esperanto-lernemulojn. Krom diversnivelaj kursoj, ĝi enhavas ekzemple vortarojn, superrigardon de la gramatiko, laŭtlegitajn rakontojn kun bildoj, tujmesaĝilon ktp.
deutsch.info — Multlingva retejo por instrui la germanan lingvon al alilingvanoj. La senpaga kurso por memlernantoj funkcias ekde la jaro 2013. Ekde tiam ĝi akiris pli ol 350 000 uzantojn kaj ĝi estis tradukita al 19 lingvoj.
(Legi pli…) Pri Esperanto
Manifesto de Prago — Tiu ĉi retejo celas prezenti la gravan dokumenton de la Esperanto-movado - Manifesto de Prago, okaze de ties 20-jariĝo. La retejo estis kreita de itala esperantisto, grafikisto kaj programisto Edoardo Nannotti okaze de lia
Eŭropa Volontula Servo ĉe E@I kaj lanĉita dum la Zamenhof-festo 2016.
Zamenhof.info — Multlingva retejo pri la vivo kaj verko de L. L. Zamenhof, kreita okaze de la 100-a datreveno de lia morto.
Ridejo — Ridejo estas retejo por ŝercoj kaj amuzaj bildoj en Esperanto. La vizitantoj rajtas voĉdoni por tiuj, kiuj ridigis ilin, kaj mem aldoni ŝercojn. Viaj proponoj estas tre bonvenaj!
Drakoj — Tiu ĉi retejo estas Esperanta traduko de la bazaj reguloj de la ludo Pathfinder. La fantasta ludo Pathfinder estas tabla rolludo en kiu la ludgvidanto priskribas la ludmondon kaj la aliaj ludantoj rolas la reagojn de siaj roluloj.
Komputeko — Prikomputila terminokolekto estas portalo de prikomputilaj terminoj en kiel eble plej multaj lingvoj, por stimuli korektan lingvouzon kaj kontraŭi la uzadon de (ofte fuŝa formo de) usonangla termino.
Bretaro — Reta elektronika arkivo de Esperanto-materialoj kiel libroj, dokumentoj kaj fotoj. La celo estas konservi literaturajn valoraĵojn kaj savi ilin antaŭ malapero. Ĉe Bretaro.net troviĝas nur tiuj verkoj, por kiuj la aŭtor- kaj kopi-rajtoj aŭ ne plu validas, aŭ la aŭtoroj mem liberigis ilin por la elektronika uzo.
Reta PIV — Reta kaj senpaga versio de la Plena Ilustrita Vortaro de Esperanto funkcias ekde la 4-a de aprilo 2012. Danke al kunlaboro de SAT kaj E@I kaj mondonacoj de esperantistoj ekestis elektronika versio de la fama vortaro PIV.
Bonan Apetiton! — Apetito estas nova retejo pri kuirado en Esperanto. Ĝi enhavas kaj receptojn kaj artikolojn pri kuirado, saniga manĝado kaj pri rilataj aferoj. La plej bone videbla specifeco de Apetito estas ebleco de ĝiaj uzantoj aldoni siajn proprajn receptojn aŭ interesajn artikolojn pri kuirado kaj manĝado.
Toki pona — Toki pona estas filozofia lingvo kun centoj da parolantoj en la tuta mondo. Kontraŭe al aliaj planlingvoj, ĝi ne celas esti internacia lingvo, sed servi kiel komunikilo konstruita el plej bazaj ideoj tute sen malfacilaĵoj de nuna vivo. En julio 2013 estis eldonita la unua presita lernolibro. Ĉi tiu retejo donas al vi ĉiujn 76 da lecionoj el la libro kun aldonaĵoj, kiuj en la libro ne povas esti.
Esperanto Elektronike — Tiu DVD estas la plej ampleksa kaj la plej bunta kompleta materialo pri la internacia lingvo Esperanto. Ĝi celas du publikojn: al esperantistoj ĝi donas amason da interesaj E-materialoj (libroj, artikoloj, muziko…), al neesperantistoj ĝi liveras informojn pri Esperanto, kursojn, vortarojn… Ankaŭ ĝi estas nun disponebla rete.
KD “Esperanto” — Tiu KD, danke al la kunlaboro de E@I kaj la urbo Bjalistoko, aperis la 10-an de septembro 2008 en la pola tagĵurnalo Gazeta Wyborcza kaj ĝis nun la plej multnombra E-eldonaĵo elektronika: 400 000 ekzempleroj. La disko estas dulingva (pole kaj Esperante) kaj celas prezenti E-on al ĝenerala publiko per luda, amuza formo. Ĝia enhavo estas nun disponebla rete.
Malkovru Esperanton — Paĝo de projekto por krei la broŝuron Malkovru Esperanton – modernan, plurlingve eldonitan broŝuron pri Esperanto. Ĝi informas pri la historio de la lingvo, pri ĝia nuntempa uzado, gravaj organizoj, aktualaj eventoj. Formato B5, kolora, 24 paĝoj. Ĝis nun eldonita en 15 lingvoj, elŝutebla en PDF.
Ceteraj projektoj
>Tri pilieroj de la PL+DE+SK-ponto por interŝanĝo de praktikoj por plifortigi la agadojn de la organizoj
Tri pilieroj de la PL+DE+SK-ponto por interŝanĝo de praktikoj por plifortigi la agadojn de la organizoj — Dujara projekto de strategia partnerado kun Centro de Interkultura Edukado (CEM, Pollando) ICH Herzberg (Germanio) kiu okazis en la jaroj 2016-2018 por trejni lingve kaj socie agantojn kaj aktivulojn. Numero de la projekto: 2016-1-PL01-KA204-026528.
Bonaj praktikoj en lingvoinstruado — Erasmus+-projekto kune kun TEJO kaj kunordigata de ĈEJ okazinta en 2017-2018. La celo estis trejni instruistojn de Esperanto, instruante al ili kiel bone instrui.
Eŭropa volontula servo
Eŭropa volontula servo — E@I gastigas junulojn el diversaj ĉefe eŭropaj landoj ekde 2013 danke al subteno de la programo Erasmus+.
Nuntempe neevoluigataj
Esperanto 55+ — La dujara projekto (2009-2011) estis orientita al klerigado de pli aĝaj personoj kaj ĝia ĉefa celo estis prepari teamon de taŭgaj Esperanto-instruistoj por Universitatoj de Tria Aĝo. Novaj instruistoj komencis instrui en polaj UTA-oj jam ekde aŭtuno 2011.
>Interkulturo
Interkulturo — Interkulturo estas projekto kiu helpas kulturan interŝanĝon inter grupoj dise de la mondo - por kontakti, konatiĝi kaj interŝanĝi siajn demandojn, dubojn, sciojn, interesojn.
Lingva Prismo — Paĝaro pri lingva diverseco, kiu prezentas aron da lingvoj kaj alfabetoj de la mondo kaj instigas al ekscio pri lingvaj faktoj per enreta kvizo. La origina retejo estas nuntempe rekonstruata kadre de la projekto Lingvo.info.
Nitobe-centro — La Nitobe-centro por lingva demokratio stimulas publikan debaton pri internacia komunikado kaj egaleca lingvopolitiko, precipe en la Eŭropa Unio.
Esperanto-aktuale —
Multlingva senkosta retejo-informejo pri la internacia lingvo Esperanto kaj ĝia kulturo: gramatiko, historio, movado ks. Grava parto de la paĝaro konsistas el novaĵoj pri Esperanto, lingva politiko kaj rilataj aferoj. Kunlaborante kun multaj esperantistoj tra la mondo ni strebas, ke en tiu ĉi paĝaro ĉiam estu troveblaj ĉiuj plej gravaj kaj aktualaj informoj pri ĉio, kion parolantoj de Esperanto opinias grava.